Unia – Revoluziun digitala chaschuna problematicas novas

Ils lavurants duain vegnir protegids meglier da la revoluziun digitala. Per quai sajan necessarias fermas reglas giuridicas e socialas. Quai pretenda il sindicat Unia a la fin da ses congress a Genevra.

Purtret da glieud che votescha ed il logo da l'Unia davosvart. Bild in Lightbox öffnen.

Legenda da maletgs: L'Unia ha gì da decider davart plirs punct durant lur radunanza. Keystone

Ils uschènumnads independents dependents – per exempel ils manischunzs dal servetsch da taxi Uber – stuessan tenor il sindicat vegnir vis sco emploiads cun ils dretgs correspundents. Quai munta ch'els duain vair giuridicamain e da las assicuranzas socialas nà ils medems dretgs sco cun in contract collectiv da lavur (GAV).

Plinavant na po quai betg dar ina flexibladad sainza cunfins tar ils temps da lavur. Els pretendan era mesiras per la dischoccupaziun ch'i dat pervi da la digitalisaziun. Las consequenzas da la revoluziun digitala na dependian betg uschè fitg da la tecnica u dals sforz economics mabain da las cundiziuns che politica e giuria porschan. I saja il pensum dal stadi da procurar per bunas cundiziuns ensemen culs partenaris socials.

En ina segunda resoluziun pretenda l'Unia ch'ins stoppia pudair cumbinar meglier la lavur, il temp liber e la famiglia.

RR novitads 17:00