Siglir tar il cuntegn

Svizra Unicat turitgais cun ragischs da Sri Lanka

Dapi la sonda datti en il zoo da Turitg ina nova elefanta. Per l'emprima giada ha parturì in elefant, ch'è naschì sez a Turitg, en il zoo da Turitg.

Legende: Video La pitschna elefanta dal zoo da Turitg abspielen. Laufzeit 3:19 Minuten.
Or da Telesguard dals 03.03.2017.

120 kilograms ed anc nagin num: Quai è la nova cunabitanta en il parc d’elefants a Turitg. Il nov star tranter ils animals dal zoo procura per blers visitaders sco er per blera lavur.

Sper mamma e tatta tgira er in Rumantsch la pitschna elefanta

Il tgirader d’elefant rumantsch, Carlo Cathomen è ina da las persunas che surveglia il svilup da la pitschna. Ultra da quai protegian mamma e tatta l’elefantina da di e notg.

La naschientscha saja ida fich spert, raquinta Carlo Cathomen:

portrait dal tgirader.
Legenda: RTR / TSG
Nus eran anc vid il café la bun’ura da las sis ed avain lura vis sin ina camera, che la mamma è vegnida in zic gnervusa. Nus avevan fatg quint cun la naschientscha pir enturn suentermezdi ni la proxima notg. E tuttenina è quai i svelt.
Autur: Carlo Cathomentgirader d'elefants

Elefant anc senza num

Fin la dumengia pon ins anc votar online sin la pagina dal zoo da Turitg per in num. A disposiziun stattan ils nums Rishu, Ruwani ni Reshani, nums che derivan da la patria da l'elefant Sri Lanka.

RR Telesguard 17:40