Il Cussegl federal na decidia betg sin basa da fatgs, mabain sin basa da scenaris, tge che pudess capitar en futur, crititgescha l'uniun. Quei mainia lura a decisiuns che fetschian donn a l'economia e procurian per gronda suffrientscha en la populaziun. Quei stoppia chalar.
Il Cussegl federal stoppia decider criteris objectivs e limitas constantas tenor las qualas el decidia mesiras u schluchia quellas. L'Uniun svizra d'artisanadi e mastergn pretenda ultra da quai che tuts secturs da l'economia possian puspè avrir l'entschatta da mars.
Fatg saja numnadamain che strusch ina persuna s'infecteschia en stizuns u durant la lavur cun il coronavirus – quai er grazia als concepts d'igiena e da protecziun che l'economia haja instradà. Persuenter dovria tar persunas periclitadas dapli tests e controllas e las stentas per vaccinar la populaziun duajan vegnir intensivadas.