Ils sindicats hajan bandunà la maisa da tractativas, di il president da l'Uniun dals patruns svizzers en l'emissiun «Samstagsrundschau» da radio SRF. La situaziun actuala possia purtar problems. L'UE pretendia numnadamain da proteger las pajas avant da far ina cunvegna da basa. Da renunziar ad ina tala cunvegna è tenor Vogt ristgà. Uschia saja quai pussaivel che l’Uniun europeica fetschia ina cunvegna cun la Gronda Britannia. Ina cunvegna che la Svizra stuessia surpigliar senza avair gì pled en las tractativas.
Ma il Cussegl federal na dastgia er betg laschar metter sut squitsch per exempel cun la smanatscha da betg renconuscher las bursas svizras sco equivalentas a las europeicas.
RR novitads 15:00