La mala qualitad da l’aria è vinavant il pli grond problem da sanadad per las abitantas ed ils abitants da l’Uniun europeica chaschunads da l’ambient: Il 2019 sajan 307'000 carstgauns en l'UE morts anticipadamain pervi da la concentraziun da particlas finas. Cumpareglià cun l’onn avant sajan quai dentant 10% ni 40'000 pli pauc. Questa reducziun haja per part da far cun l’aura favuraivla, ma era cun la meglieraziun cuntinuada da la qualitad d'aria en Europa.
Reducir mortoris
En pli sajan carstgauns morts anticipadamain pervi da dioxid da nitrogen ed ozon pauc sur terra, scriva l’Agentura europeica per l’ambient vinavant. La mira da l'UE è da reducir il dumber da mortoris fin il 2030 per almain 55%, cumpareglià cun l'onn 2005. Sch'il trend resta vinavant uschia, possian ins cuntanscher questa pir il 2032.
