Tenor l'uniun da servetsch civil «Civiva» na portia ina fusiun nagins avantatgs. Durant che la protecziun civila sa preparia cun exercizis sin situaziuns extraordianarias, porschan ils commembers da la protecziun civila mintga di servetschs en favur da l'entira societad e s'engaschan per la protecziun da l'ambient.
Mancanza en la disposiziun da segirezza
Civiva scriva, ch'i dettia regiuns cun reservas betg nizzegiadas, perquai duai la protecziun civila metter sia energia en la collavuraziun tranter las regiuns enstagl d'attatgar il servetsch civil cumprovà. Il dumber da persunas che prestan servetsch da protecziun è il decurs dals davos onns sa sbassada dramatic. Empè da las 6'000 persunas necessarias sajan en l'entira Svizra il davos onn be 3'700 commembers vegnids recrutads. Cunquai smanatschia ina mancanza en la disposiziun da segirezza.
RR novitads 12:00