En general hajan ils ultims onns profità surtut managers e persunas che gudognan fitg bain. Ils augments da las pajas dals emploiads cun pajas mediochras sajan vegnidas magliadas si da las premias da las cassas da malsauns ch’èn creschidas, uschia l’Uniun sindicala.
En las tractativas da paja actualas pretenda l’Uniun sindicala svizra SGB 1,5% fin 2,0% dapli paja. L’economia svizra sa sviluppia bain, uschia argumentescha l’Uniun sindicala sia pretensiun. Surtut las dunnas duajan profitar. Ellas gudognian anc adina en media 7’000 francs damain mintg’onn ch’ils umens.
L'Uniun sindicala svizra è cun 16 associaziuns affiliadas singulas la pli gronda organisaziun per lavurants en Svizra. En tut ha l'SGB var 380'000 commembers .
