La media da las persunas ch'èn senza lavur suenter il studi munta a 4.8%. Quai è la medema quota sco sin l'entir martgà da lavur svizzer. Però variescha la quota dad academicras ed academichers senza lavur tut tenor universitad. Entant che la quota tar las universitads da Genevra, Losanna, Neuchâtel e l’Università della Svizzera Italiana dad absolventas ed absolvents senza lavur è tranter 7 e 9.6 % è la quota tar las universitads da Lucerna, Son Gagl, Berna e l’ETH Turitg tranter 2 e 3 %.
Era mussan las cifras da la confederaziun che il pli bler gudognan absolventas ed absolvents en il sectur da l’economia, tecnica e medischina. Il pli pauc gudogna suenter avair absolvì il studi en il sectur da cultura. Era dependia dal gener. Academicras gudognan en media pli pauc sco academichers.
RR novitads 16:00