Universitads svizras - Dapli students, damain plaz
A Turitg ed a Basilea quintan ins pervi da la pandemia da corona cun radund 10% dapli students. Il motiv persuenter è che blers desistan dad in onn intermediar. Per quest dumber pli grond n'hai dentant pli pauc plaz, pervi da las reglas da distanza.
A Basilea han ins gia reagì e metta dapli paisa sin l’instrucziun online. Radund duas terzas da las lecziuns duajan vegnir instruidas via internet. Per pudair porscher in’instrucziun online adattada, ha l'universitad da Basilea investì passa 100'000 francs en nova tecnica.
A Friburg lavuran ins percunter cun bindels da serrar zonas. La finamira saja d’avair uschè blera instrucziun da preschientscha sco pussaivel, malgrà la pandemia – savens cun mascra da protecziun.
