Pervi dals blers students ha l’Universitad da Berna construì novs edifizis e dus ulteriurs projects da construcziun èn en planisaziun. A Son Gagl datti 8'600 students. Tenor il rectur hai però mo plaz per 5'000. Ins sa gidia cun provisoris. L'engrondiment da l'Universitad da Son Gagl HSG duai custar 160 milliuns francs. Er autras universitads dovran dapli plaz.
Il motiv principal per las universitads d'engrondir lur infrastructura è la furmaziun terziara. Questa via saja fitg populara, di Martin Fischer dal Secretariat da stadi per la furmaziun, perscrutaziun ed innovaziun. La via terziara cumpiglia sper l'universitad er las scolas autas spezialisadas e la furmaziun superiura.
RR novitads 09:00