Siglir tar il cuntegn

Header

Navigaziun

cuntegn

UNRWA sut squitsch Svizra sistescha pajaments a l'ovra d'agid per Palestinais

La Svizra sistescha per entant ils pajaments a l'ovra d'agid da l'ONU per fugitivs palestinais UNRWA. Quai ha communitgà il Departament federal d'affars exteriurs EDA. La contribuziun per quest onn saja dentant gia pajada. Tenor il EDA èn quai 20 milliuns francs.

In rapport intern rinfatscha maldiever da la pussanza e neopotissem a Pierre Krähenbühl, il secretari general ed ad intgins collavuraturs da l'ovra d'agid UNRWA (United Nations Relief and Works Agency for Palestine Refugees in the Near East). Krähenbühl ha refusà las rinfatschas. Dapi il 2013 è el il directur da l'ovra d'agid.

Tge fa il UNRWA?

Personen-Box aufklappenPersonen-Box zuklappen
  • L'UNRWA occupescha radund 300'000 collavuraturs en la regiun.
  • A las 685 scolas dal UNRWA vegnan instruids bunamain in mez milliun uffants da fugitivs palestinais.
  • L'ovra maina 137 centers da sanadad en la regiun. Ils fugitivs ha uschia access gratuit a servetschs da sanadad.
  • Radund 1,2 milliuns fugitivs palestinais vivan en povradad absoluta. A radund 300'000 da quels porscha l'UNRWA sustegn social.

Squitsch sin UNRWA crescha

La decisiun da la Svizra augmenta vinavant il squitsch sin l'ovra d'agid. L'EDA stat en contact cun auters stadis donaturs. Communablamain veglian ins decider davart eventualas ulteriuras mesiras, uschebaud ch'il resultat da l'inquisiziun è enconuschent. L'UNRWA è en ina situaziun difficila, perquai ch'ils Stadis Unids han er gia sistà lur pajaments.

Er il minister da l'exteriur svizzer, Ignazio Cassis, è sa dumandà la primavaira publicamain, sche l'UNRWA è ina part da la soluziun u ina part dal problem en la dumonda dals fugitivs palestinais. Il medem mument accentuescha l'EDA che l'organisaziun prestia ina lavur impurtanta.

RR novitads 07:00