Siglir tar il cuntegn

Header

cuntegn

Svizra Urari 2019: Dapli trens tranter Turitg e Son Gagl

Ils 9 da december 2018 mida l'urari da tren e quel porta meglierament en spezial per la Svizra Orientala ed en la regiun enturn Turitg.

Sco quai che la SBB communitgescha, dettia cun il nov urari mintg'ura quatter novas colliaziuns tranter Turitg e Son Gagl. Quai mintgamai da glindesdi enfin il venderdi en omaduas direcziuns. Tranter Turitg e Romanshorn sa reducescha il temp da viadi grazia a mesiras da construcziun per bunamain quatter minutas. Er dettia novas colliaziuns tranter il traffic naziunal e regiunal a Schaffusa, Kreuzlingen e Romanshorn.

Meglras colliaziuns en la Svizra romanda

En la Svizra franzosa vegn realisà cun il nov urari l'emprim'etappa dal Léman Express tranter Lancy-Pont-Rouge e Coppet. Da nov circuleschan ils trens en tact da 15 minutas.

Tenor atgnas indicaziuns transportescha la SBB mintga di radund 1,26 milliuns. Mintga di circuleschan 10'000 trens sin la rait da las Viafiers federalas svizras.

RR novitads 11:00

Artitgels legids il pli savens