Siglir tar il cuntegn

Header

cuntegn

Uras e bischutaria Svizra dominescha vinavant martgà mundial

En il sectur d'uras e bischutaria èn firmas svizras stadas lunsch ora las pli dominantas il 2019. Prest in terz da la cumpart al martgà tutga a firmas svizras, mussa in ranking dals 100 pli gronds concerns da luxus dal mund. Quai èn però las cifras dal 2019. Il 2020 ha la branscha patì.

Ils trais concerns ils pli gronds da la branscha il 2019 eran Richemont, Swatch e Rolex. Richemont ha cun la cumpart la pli gronda cun 18% da la svieuta mundiala tar bischutaria ed uras, Swatch ha ina cumpart dad 11%, scriva Deloitte en ses studi annual da «Global Powers of Luxury Goods».

En il studi vegn dentant er declerà cler e net che la pandemia da Covid-19 ha bittà la branscha da products da luxus en ina gronda fora, suenter il bun onn passà. Durant las mesiras dal lockdown nua ch'i ha da restricziuns da viagiar e butias han stuì serrar sin l'entir mund, sajan las cifras sa reducidas a moda dramatica. Grazia al bun onn 2019 possian bleras firmas però er surmuntar quest onn difficil.

RTR novitads 08:00

Artitgels legids il pli savens