Siglir tar il cuntegn

Header

cuntegn

Urgenza en muntogna Damain accidents e damain cas d'urgenza

En las Alps svizras ed il Giura hai dà damain accidents mortals l'onn passà. Cun 177 morts è il dumber sa reducì per 30% cumpareglià cun l'onn avant. Quai mussa la nova statistica dal «Club alpin svizzer».

La gronda part da las victimas èn sa disgraziadas en il classic sport d'alpinissem, vul dir cun ir a chaminar u cun far turas da skis.

Salvà 2'909 persunas

Igl ha dentant betg be dà damain accidents mortals, mabain era ils salvaments da persunas èn sa reducids. Las organisaziuns da salvament han salvà l'onn passà 2'909 persunas che han duvrà agid en muntogna. Quai èn 10% pli paucs che l'onn avant. 995 persunas han ins pudì salvar saunas u be cun pitschnas blessuras. Auter che tar il raiver, haja dà tar mintga auter sport da muntogna pli paucas blessuras.

Accidents mortals en survista:

  • turas da skis 27 (34)
  • turas da skis alpinas 18 (21)
  • raiver 4 (6)
  • chaminar 54 (57)
  • auter 17 (17)

Aura pli u main la medema

L'onn 2019 hai dà blera naiv, periodas da chalira la stad, bels dis d'atun e sin la fin da l'onn puspè blera naiv. Las periodas da chalira eran il 2019 dentant betg uschè lungas sco l'onn precedent. Quai munta, che damain persunas èn idas a chaminar ed uschia hai era dà damain accidents.

RTR novitads 12:00

Artitgels legì il pli savens

Nach links scrollen Nach rechts scrollen