Il politicher dal chantun Uri Beat Arnold è mort. L’anteriur deputà, cusseglier guvernativ e cusseglier naziunal è mort en la vegliadetgna da 43 onns pervia da cancer dal tscharvè, quai ha in’agentura da communicaziun annunzià en il num da la famiglia.
Il 2010 è Beat Arnold vegnì elegì sco emprim politicher da la Partida populara svizra en la regenza dal chantun Uri. 2015 ha el recaltgà l'emprim sez en il Cussegl naziunal per la PPS Uri. Il 2018 è el vegnì malsaun e lura sa retratg da la politica.
El era inschigner en economia e da construcziun e lascha enavos dunna e trais uffants pitschens.