Siglir tar il cuntegn

Header

cuntegn

Svizra Uri: Dus sparids tar crudada da crappa

Datiers dal Pass dal Klausen ad Unterschächen hai dà mardi ina crudada da crappa. Duas persunas valan anc sco sparidas.

Mardi suentermezdi curt suenter las trais dal suentermezdi hai dà ina crudada da crappa en la regiun da Ruosalp en vischinanza dal Pass dal Klausen.Trais umens sajan vegnids cuverts da la crappa. Els eran gist vidlonder da schlargiar ina senda d'alp.

In dals umens haja pudì sa deliberar sez ed alarmar las forzas sa salvament. Tar ils umens sparids sa tractia da dus indigens da 26 e 62 onns. Quai ha communitgà la Polizia chantunala dal chantun Uri.

Tschertga cuntinuescha, però speranza sa diminuescha

Dapi mesemna a bun'ura èn spezialists vidlonder da schubregiar il grip sur il lieu nua che las trais persunas èn vegnidas cuvertas cun crappa. Persunas dal servetsch da salvament han dentant anc betg savì ir el territori da sbuvada. L'emprim sto il grip vegnir segirads. Uschia sa diminueschia dentant la speranza da pudair salvar las duas persunas sparidas. Quai di Reto Pfister, cumandant da la polizia chantunala dad Uri tar la conferenza da medias ad Erstfeld.

Sco quai che la polizia communitgescha, sajan 1'500 fin 2'000 m³ material crudads sin la senda ch'ils lavurers eran vidlonder da schlargiar.

RR novitads 11:00

Artitgels legids il pli savens