Siglir tar il cuntegn

Svizra Uri vul sajettar in luf

Il chantun Uri ha dat liber tras ses directur da segirezza, Dimitri Moretti (SP), in luf per sajettar. Quai ha communitgà la chanzlia statala da l'Uri.

Il luf guarda da surengiu tras frustgers ora.
Legenda: In luf eurasic, fotografà en il parc dad animals a Goldau. Keystone

L’animal è in mastgel che deriva da l’Italia ed ha la denominaziun scientifica M68. El duai avair stgarpà il davos temp 25 nursas a Gurtnellen ed a Wassen ed avair blessà duas ulteriuras. Cun quai sajan las premissas per laschar sajettar il luf ademplidas, scriva la chanzlia.

Il permiss vala a partir dad ussa per 60 dis. Trair dastgan mo 10 guardiaselvaschinas chantunalas u in da radund 20 fin 30 chatschaders ils quals ch’han in permiss correspundent dal chantun.

En pli dastga il luf vegnir sajettà be en ina regiun definida. Questa cumpiglia alps chargiadas ed il stretg conturn da las alps.

RR novitads 10:00