Il president dal cussegl administrativ da la Posta, Urs Schwaller, conceda ch'el avess stuì tractar pli baud il dossier Postfinance. Il scumond da betg pudair assegnar credits ed ipotecas ha per lung temp giugà nagina rolla tar la Postfinance. Quai haja dentant sa midà cun la reducziun da la sparta. La dimensiun saja dentant strusch stà da prevair.
Gronda reducziun d'uffizis postals
Dapi onns reducescha la Posta en Svizra ses uffizis postals. Cura che Urs Schwaller è entrà en uffizi sco president dal cussegl administrativ, il 2016a aveva La Posta anc 1'400 uffizis postals, bainprest datti mo pli 800. En la Samstagsrundschau da Radio SRF ha Urs Schwaller, il president partent defendì quest agir. Il service public na vegnia betg reduci, el vegnia mess a disposiziun en in'autra furma cun nova schliaziuns:
Anc fin la fin da november è Urs Schwaller president dal cussegl administrativ. El è da l'avis ch'il mument da sia demissiun è tschernì bain. Ad Urs Schwaller succeda Christian Levrat.