Siglir tar il cuntegn

Header

Ina gruppa partendada cun il Stadi Islamic era sa declerada responsabla per l'attentat sin l'aviun.
Legenda: Ina gruppa partendada cun il Stadi Islamic era sa declerada responsabla per l'attentat sin l'aviun. Keystone
cuntegn

Svizra USA pretendan controllas pli severas sin eroports en l'exteriur

Il ministeri per segirtad interna dals Stadis Unids insista sin controllas pli severas als eroports da l'exteriur cun colliaziuns directas en ils Stadis Unids. Quai rapporta l’emettur american ABC.

La pretensiun saja ina consequenza da l'eventual attentat da bumba cunter in aviun da passagiers russ sur la peninsla Sinai. Latiers ponderescha il ministeri era d'augmentar las controllas da bagascha als eroports americans.

Stadi Islamic è il suspectà principal

Las autoritads da segirtad americanas avevan declerà che la milissa terroristica Stadi Islamic haja probabel attatgà l'aviun russ. Er per la regenza englaisa èsi pli e pli probabel, ch’ina bumba da destruì l’aviun. Percunter èn la Russia e l’Egipta da l’avis che quai sajan be speculaziuns.

RR novitads 14:00

Dapli da Svizraavrir la Landingpage

Nach links scrollen Nach rechts scrollen