Svizra - Uschè bleras annunzias da lavada da daners sco anc mai
En Svizra ha quai dà l'onn passà uschè bleras annunzias da lavada da daners nairs sco anc mai. Tenor il post d'annunzia hajan ins survegnì mintga di 7 annunzias.
Cun passa 1750 cas, saja il dumber creschì per in quart cumpareglià cun il 2013. Davos quests cas stettia ina facultad totala da 3,3 milliardas francs.
En blers cas han bancas annunzià las transacziuns suspectas, En auters cas èn quai stads fiduziaris u administraturs da facultad pli pitschens. Quatter da tschintg annunzias vegnan or dals chantuns Turitg, Berna, Genevra e Son Gagl.
