Svizra - Uss èsi uffizial: PLD va cun Keller-Suter e Wicki
La fracziun da la PLD trametta Karin Keller-Suter e Hans Wicki en la cursa per il Cussegl federal. Quai rapporta l'agentura da novitads svizra SDA sa referind ad in tweet da la fracziun da la PLD.
Legenda:
Per la PLD van Karin Keller-Suter e Hans Wicki en la cursa per il Cussegl federal.
Keystone
2 / 3
Legenda:
Karin Keller-Suter –
La presidenta dal Cussegl dals chantuns va sco favurita per la PLD en la cursa.
Keystone
3 / 3
Legenda:
Hans Wicki –
il cusseglier dals chantuns da Sutsilvania è er sin il ticket da dus da la PLD.
Keystone
Sin in ticket da dus trametta la fracziun da la PLD dus commembers dal Cussegl dals chantuns – Karin Keller-Suter e Hans Wicki – en la cursa per il Cussegl federal. La presidenta dal Cussegl dals chantuns va sco favurita en la cursa.
Crudà ora è il terz candidat – il president da la regenza da Schaffusa, Christian Amsler.
Ils 5 da december vegn ad eleger il parlament sco emprim la successura u il successur da Doris Leuthard da la PCD – quai pervi ch’ella è pli ditg en uffizi che ses collega, il minister d’economia Johann Schneider-Ammann da la PLD.
