La Conferenza svizra dals uvestgs vul reorganisar ses uvestgieus. Quai ha confermà il pledader da la conferenza, Walter Müller, a las gasettas «Zentralschweiz am Sonntag» ed «Ostschweiz am Sonntag».
L'organisaziun actuala en diocesas dateschia d'avant 200 onns e saja da lezzas uras stada in'organisaziun provisorica. Ins saja conscient che l'organisaziun actuala haja dischequilibers, uschia Müller. In uvestgieu ideal na saja betg memia grond u pitschen, ed haja il center en la citad la pli impurtanta.
