La gronda part dals commembers dal Cussegl federal fa vacanzas en Svizra. Quai vala per il president da la Confederaziun: Guy Parmelin, il minister da sanadad: Alain Berset, la ministra da la defensiun: Viola Amherd sco era il minister da las finanzas Ueli Maurer. Cunzunt ir a viagiar u cun velo è sin il program dals cussegliers e las cusseglieras federalas.
Simonetta Sommaruga percunter interrumpa sias vacanzas en Svizra per ina visita da lavur en il Senegal e Ghana. Ella vegn a far ina part da sias vacanzas en il Grischun. Era il minister da l’exteriur, Ignazio Cassis, sto ir durant sias vacanzas a l’ester.
La ministra da la giustia, Karin Keller-Sutter, da sia vart fa per part vacanzas en Svizra per part a l’ester.