Siglir tar il cuntegn
cuntegn

Svizra Vacanzas per giuvens adina pli popular

Mallorca, Ibiza, Ayia Napa u Rimini, quai èn intgins lieus da vacanzas ch’èn populars tar giuvenils. Quai per far vacanzas da party.

2 giuvens che baivan alcohol a Mallorca.
Legenda: Mallorca è ina da las destinaziuns preferidas per giuvenils. Keystone

Popularas sajan quellas vacanzas tar persunas davent da 16 onns. Spezialmain tar gruppas da collegas, dentant era tar classas che han finì il gimnasi u l’emprendissadi, quai di Nerina Evangelatos dad Anikas Reisen. Anikas Reisen è in biro da viadis ch’è sa spezialisà sin vacanzas da giuventetgna.

Purschida pli gronda

Per giuvenils saja adina pli impurtant da tschentar giu e da giudair in’emna, manegia Mike Hasler da Marti Reisen. Talas vacanzas eran gia popularas avant 20 u 30 onns, declera Mike Hasler. Ozendi è la purschida simplamain bler pli gronda.