Siglir tar il cuntegn

Header

cuntegn

Vaccinar en Svizra Cadenza è creschida per 33%

En Svizra survegn il tempo da vaccinar schlantsch. Tenor las novas cifras che l'Uffizi federal da sanadad BAG ha annunzià è la cadenza da vaccinar creschida per 33% aifer in'emna.

70'000 vaccinaziuns per di

Tranter ils 6 e 12 da matg han en media mintga di 70'000 persunas survegnì ina sprizza cun il vaccin da corona. Vaccinadas cumplainamain èn bunamain 1,2 milliuns persunas, quai correspunda 13,7% da la populaziun svizra (stan 12 da matg 2021).

Grischun vaccinà sur media svizra

En Grischun è 16,04% da la populaziun vaccinada cumplainamain. En cumparegliaziun cun ils auters chantuns è il Grischun sin il 8avel plaz. Il pli avanzà è la vaccinaziun en il chantun Uri, nua che 17,6% da la populaziun è vaccinada cumplainamain. A la fin da la tabella è il chantun Turitg cun in quota da 9,9%.

Tenor infurmaziuns pli veglias dal Cussegl federal, duai tut tgi che vul avair survegnì enfin la fin zercladur omaduas dosas dal vaccin. La premissa saja però, ch'ils producents da vaccin furneschan tant sco sa cunvegnì.

Ord l'archiv

En la halla da la citad a Cuira datti uss squittas enstagl da partys. RTR ha rapportà cura ch'il pli grond center da vaccinar en Grischun ha avert las portas.

video
Squittas enstagl da partys en la halla da la citad a Cuira
Or da Telesguard dals 26.04.2021.
laschar ir

RTR novitads 20:00

Artitgels legids il pli savens

Scrollar a sanestra Scrollar a dretga