Siglir tar il cuntegn

Header

cuntegn

Vaccinar fin la stad Medis chantunals dubiteschan la mira da Berset

L’idea dal Cussegl federal da vaccinar tut las persunas en Svizra che vulan quai fin la stad – saja pauc realistic. La raschun sajan las stretgas tar las furniziuns, ed ils retards cun lubir ils vaccins. Quai ha ditg il president da l'associaziun dals medis chantunals, Rudolf Hauri, en l'emissiun "Echo der Zeit" da radio SRF.

Rudolf Hauri quinta ch’i vegn atun u schizunt fin d'atun – fin che la Svizra cuntanscha la finamira d’avair vaccinà tut las persunas ch’èn prontas per quai. Da vaccinar pli spert na saja betg pussaivel.

Berset era optimistic

Anc avant diesch dis aveva il minister da sanadad Alain Berset affirmà – che Svizras e Svizzers che veglian, possian sa laschar vaccinar fin la stad. Quai saja il stan actual, ils novs contracts cun ulteriurs producents da vaccins sustegnian questa mira – aveva Berset ditg a Berna avant las medias.

RTR novitads 06:00

Artitgels legids il pli savens

Scrollar a sanestra Scrollar a dretga