Siglir tar il cuntegn

Header

cuntegn

Vaccinar l'entira Svizra Armada è responsabla per transport e depot

La finamira da vaccinar la populaziun svizra è ina sfida per l'armada. Ella è responsabla per la logistica, quai vul dir: Prender encunter il vaccin al cunfin, magasinar el e reparter las dosas als chantuns.

Ellas vesan ora sco stgatlas da pizza – ils chartuns che cuntegnan il vaccin cunter Covid-19 dal concern Pfizer Biontech. Cun in da quels chartuns èsi pussaivel da vaccinar 975 persunas.

Transportadas vegnan las dosas tar minus 78 grads ed era per magasinar ellas drovi schelenteras spezialas extrem fraidas. Nua che quels magasins sa chattan è secret. I dettia plirs lieus, ha ditg il schef da l'apoteca da l'armada Daniel Aeschbach il glindesdi ad in'infurmaziun.

Ils chantuns san mintgamai empustar il vaccin fin las 15:00 e l'apoteca da l'armada furneschia lura quel. Cura ch'il vaccin arriva en il chantun è lez responsabel per magasinar e reparter vinavant quel.

Tscherts chantuns èn il mument gia vid vaccinar – il Grischun cumenza a partir dals 4 da schaner 2021.

RTR novitads 17:00

Artitgels legids il pli savens

Scrollar a sanestra Scrollar a dretga