Siglir tar il cuntegn

Header

cuntegn

Svizra Vaccinaziun cunter zeccas per l'entira Svizra

La Confederaziun vul introducir la vaccinaziun cunter zeccas en tut la Svizra. Quest onn han passa 340 persunas survegnì ina meningitis tras ina morsa d’ina zecca. Quai èn uschè bleras sco anc mai.

  • I dat adina dapli lieus nua che zeccas èn activas – uss vul la Confederaziun introducir la vaccinaziun cunter zeccas en tut la Svizra.
  • Ina recumandaziun da laschar virolar en l'entir pajais obligass las cassas da malsauns da surpigliar ils custs.
  • Quest onn han passa 340 persunas survegnì ina meningitis tras ina morsa d’ina zecca. Quai èn 30% dapli che l'entir 2017.

Sco reacziun sin questas passa 340 persunas che han survegnì meningitis tras ina morsa d'ina zecca vulan ussa la Confederaziun, ils Chantuns e la cumissiun da vaccinaziun federala schlargiar las recumandaziuns da vaccinar. Intenziuns che van en questa direcziun ha la Confederaziun gia dà enconuschent mez settember. Quai scriva la «NZZ am Sonntag».

Virolar cunter FSME en l'entira Svizra

Las recumandaziuns da vaccinar na duajan betg pli valair be per regiuns da ristg mabain per entirs chantuns u perfin per tut la Svizra. Ins vul uschia impedir ch'il proxim onn puspè uschè bleras persunas s'infecteschan cun FSME. Fin l’entschatta da l’enviern èn ils detagls sin maisa.

RR novitads 06:00

Artitgels legids il pli savens