Vaccinaziun da corona - Cunvegna tranter Novartis e Biontech
Il concern da farmazia Novartis e l'interpresa tudestga Biontech han suttascrit ina cunvegna da producziun. Co Novartis ha communitgà la gievgia vegnian ins ad augmentar las capacitads per emplenir dapli vaccins en dosas.
Per quest intent vegnia Novartis ad augmentar la producziun a Ljubljana en la Slovenia per bunamain 24 milliuns dosas il 2022. La nova cunvegna succeda ad ulteriuras cunvegnas da producziun per l'emplenida e fabricaziun da passa 50 milliuns dosas il 2021 a Stein en Svizra, hai num en la communicaziun.
En il rom da la nova cunvegna vegn Novartis a retrair il vaccin da mRNA da Biontec, emplenir quel en buttigliettas e trametter enavos quel alura a Biontech.