En Svizra ha in'emprima canorta d'uffants pitschens refusà da prender si uffants che n'èn betg vaccinads. L'organisaziun Bubble Bees pretenda nov ch'ils uffants èn vaccinads almain cunter il virustgel e la tuss-chaun. Quest obligatori da vaccinar vala per tuttas otg canortas da Bubble Bees a Turitg, Baden, Frauenfeld e Schaffusa.
Els hajan gì adina dapli dumondas d'adversaris da vaccinaziun che vulevan in plaz per lur uffant en ina canorta, ha argumentà la manadra da fatschenta envers la «Sonntags-Zeitung». Tenor l’Uffizi federal da sanadad è l’obligatori legal, perquai che las bleras canortas èn instituziuns privatas e n'han uschia nagina obligaziun da prender si ils uffants.
RR novitads 10:00