Siglir tar il cuntegn

Header

Tgira en in ospital
Legenda: Keystone
cuntegn

Vad Premia per il persunal da tgira

Il persunal da tgira dal chantun Vad survegn ina premia da 900 francs per ses engaschi durant la pandemia da corona

Da questa premia pon radund 14'000 persunas profitar ch’han gì contact direct cun pazients e ch’èn uschia stadas exponidas al virus. Quai ha communitgà la regenza. Cun questa premia veglia ella engraziar da cor al persunal da tgira. Medis principals e commembers da la direcziun na survegnian nagina premia. Il chantun Vad stima ils custs a radund 15 milliuns francs.

La regenza dal chantun veglia entras questa mesira engraziar a moda concreta al persunal da tgira per lur lavur durant quest temp pretensius.

Cifras sa reduceschan vinavant

En Svizra ed il Principadi da Liechtenstein datti 1'021 novas infecziuns dal coronavirus entaifer las ultimas 24 uras. 10 persunas sajan mortas pervi da Covid-19. En media dals ultims 7 dis hai dà mintga di 1'021 novs cas. Quai èn 20% damain che l'emna avant. Quai ha communitgà l'Uffizi federal da sanadad.

En il Grischun datti 17 novs cas confermads. Naginas ulteriurs persunas n'èn mortas pervi da Covid-19. 13 persunas vegnan tractadas en l'ospital, da quellas 5 sin la staziun intensiva.

RTR Novitads 16:00

Artitgels legids il pli savens

Scrollar a sanestra Scrollar a dretga