Siglir tar il cuntegn
cuntegn

Svizra Vad: Scumond da batlegiar è legal

Il chantun Vad dastga scumandar da batlegiar. Il Tribunal federal ha refusà in recurs cunter il scumond general decidì dal Cussegl grond dal Vad avant dus onns.

maun d'in rugadur sin via, la glieud na guarda betg
Legenda: Il Tribunal federal ha refusà in recurs cunter il scumond general da batlegiar en il chantun Vad. Keystone

Il scumond saja cumpatibel cun la Constituziun federala e cun la Convenziun dals dretgs umans scriva la dretgira en sia sentenzia. El protegia persunas che vegnian sfurzadas da bandas da batlegiar e gidia era da mantegnair l'urden en la publicitad.
La lescha dal chantun Vad prevesa multas per persunas che batlegian e per talas ch'organiseschan il batlegiar.

Il settember 2016 aveva il Cussegl grond dal Vad approvà cun 60 cunter 56 vuschs l'iniziativa da la PPS per in scumond da batlegiar en l'entir chantun. In referendum cunter il scumond n'è betg gartegià.

RR novitads 14:00