Siglir tar il cuntegn

Header

cuntegn

Svizra Vaguns-restaurant enstagl da minibars tar las Viafiers federalas

Malgrad che las Viafiers federalas svizras stritgan las minibars en ils trens, duai dar dapli vaguns da restaurant cun ina pli vasta purschida.

L'SBB modernisescha e schlargia sia flotta da vaguns-restaurant. En ils vaguns d'emprima classa vegn introducida ina zona da catering cun service al plaz, vitiers vegn schlargià la purschida da take-away. Quai han las Viasfiers federalas annunzià avant las medias.

Fin l'onn 2021 duain esser en acziun passa 120 vaguns-restaurant. Per realisar quests plans metta l'SBB paisa sin la collavuraziun cun partenaris da catering potents sco per exempel Mövenpick e Starbucks. - Pli baud ha l'SBB gia communitgà che las mini-bars svaneschan zic a zic ord ses trens.

RR novitads 15:00

Artitgels legids il pli savens