Tar ina tura en la Val dal Blegn è sa disgrazià dumengia in giuven da 14 onns. Dus ulteriurs giuvens sajan en privel da vita. Quai ha communitgà la Polizia chantunala tessinaisa. La disgrazia saja capitada sin via tar la chamona da Scaletta ch'è radund 2'200 meters sur mar.
Ils trais giuvens sajan stads part d’ina gruppa da radund 20 persunas che saja vegnida accumpagnada da creschids. Dus dals giuvens sajan crudads radund 100 meters en in aual. Il terz giuven saja sa blessà grevamain, cura ch’el haja empruvà da gidar ses camarats ch’èn crudads en la profunditad.
Legenda:
Il Plaun la Greina cun la chamona da Scaletta.
Keystone