Siglir tar il cuntegn

Header

Navigaziun

Felsen Helikopter
Legenda: Lavurs da prevenziun en val Scalina Suenter 3 siglientadas artificialas è la via en val Scalina puspè averta. Keystone
cuntegn

Svizra Val Scalina/Schöllenen puspè averta per il traffic

L'uffizi federal da vias ASTRA ha dà liber questa saira il traffic d'autos e la viafier en val Scalina. Quai suenter ch'ina bova aveva periclità ier la via dal pass dal Gottard sco era il trassé da la viafier.

L'uffizi federal da vias ASTRA ha laschà far 3 siglientadas cun material explosiv en la Val Scalina per reducir il privel da bovas che vegnan giu sin la via dal pass dal Gottard e sin il trassé da la viafier. Sco l'ASTRA scriva è la via puspè dada libra al traffic.

La via d'autos e la lingia da viafier tranter Göschenen ed Andermatt eran stadas serradas dapi ier saira pervia d'ina bova. Gia il mardi passà era vegnida ina bova a val en il medem lieu.

RR novitads 21.00