Ina nova charta da granella per l'entira Svizra duai gidar a valitar meglier il privel en singulas regiuns. Cunzunt en ils chantuns Tessin, Berna, Lucerna e per lung il Giura datti granella. E guardà sur l'entir pajais dettia en media 32 giadas l'onn granels d'in diameter d'in dad in franc, scriva Meteo Svizra. Il privel saja dentant per exempel bler pli grond en l'Emmental ch'en il Grischun.
La nova charta da granella sa basa sin datas pli actualas che las chartas ch'existevan fin uss. Ella vegn adina puspè actualisada ed è gratuita. Ins ha fatg mesiraziuns da radar tar 40'000 cas da granella dals onns 2002 fin 2020.
Ord l'archiv
Granella è insatge che po far gronds donns. Co sa furma la granella insumma ?
