Passa quatter uras ha il Cussegl grond dal Vallais debattà. La finala è la proposta vegnida acceptada cun 69 cunter 20 vuschs (tar 32 abstenziuns).
I saja ina dumonda da l'egualitad e da libertad individuala, è stà l'argument da la cumissiun da sanadad. Ozendi n'è l'assistenza al suicidi betg pussaivla en tut las chasas da tgira, cunquai che mintga instituziun po decider sche persunas che gidan a la mort èn bainvegnidas u betg.
Il parlament vallesan è dentant stà spartì en questa dumonda: La PPS, la regiun tudestga dal Vallais Sura sco era la regenza vulevan restar tar la schliaziun actuala. Els n'han dentant gì nagina schanza cunter la maiortad da represchentants dal Vallais Sut da lingua franzosa.
La lescha prescriva dentant cundiziuns severas: L'assistenza al suicidi vala mo per persunas che pateschen d'ina malsogna ubain in accident in-curabel - e che na pon betg pli turnar a chasa.
RR novitads 21.00