Siglir tar il cuntegn

Header

Buttiglias da vinars e mauns che dischinfecteschan.
Legenda: Il Vallais restrenscha l’ir en sortida pervi dal virus. Keystone
cuntegn

Vallais Bars e discos ston proteger meglier ils giasts

Il chantun Vallais vul rinforzar las mesiras da protecziun. En bars e discos dastgan davent da gievgia maximal 100 persunas esser il medem mument - quai davent da las otg la saira.

Ultra da quai valan per tals manaschis mesiras spezialas en connex cun il «contact tracing». Quels che serran pir suenter mesanotg, ston dumandar lur clientella las datas da contact e verifitgar quellas cun in document d'identitad. Quai ha communitgà il departament chantunal da sanadad.

La derasaziun dal virus en il Vallais è actualmain sut controlla. Il dumber da novs cas positivs saja restà pitschen, e las mesiras d’isolar e trametter en quarantina persunas sajan sa cumprovadas – hai num dal departament da sanadad.

Gia auters chantuns rigurus

Plirs chantuns han gia limità il dumber da giasts en clubs e bars pervi da la pandemia. Zug lubescha davent da glindesdi mo pli 30 persunas en l’intern dals locals. E limitas da 100 giasts fin la fin da l’onn, han decidì ils chantuns Basilea-Citad, Basilea-Champagna, Soloturn, Argovia e Tessin.

Da l'Argovia aveva «Schweiz aktuell» rapportà:

video
Mussar in document – uss er en clubs e bars da l'Argovia
Or da Schweiz aktuell dals 02.07.2020.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga