L'incident è capità enturn las 12:20 uras en la regiun Chassoure (vischnanca Nendaz). Il guid da muntogna era ordaifer las pistas segiras cun trais osps. Sin in'autezza da 2'700 meters sur mar e sa distatgià ina lavina e ha sepulì il guid da muntgona ed in da ses osps. Omaduas persunas han las equipas da salvament pudì localisar e sgular en l'ospital a Sion. Quai ha communitgà la polizia dal Vallais. Il guid da muntogna indigen da 56 onns è mort a l'ospital. Il blessà è in um da 60 onns che abita en il chantun Vad. El n'è betg en privel da vita.
Era en il chantun Tessin, en la regiun da sports d'enviern Carì a Campello, è vegnì in um en ina lavina. L'um da 43 onns ha ensemen cun dus cumpogns bandunà las pistas marcadas. El è vegnì transportà cun levas blessuras en l'ospital. Ils dus cumpogns n'èn betg vegnids blessads.
Ord l'archiv da SRF
Gia ils 16 da schaner èn pervi da lavinas ad Engelberg (OW) ed al Stoos (SZ) èn mortas duas persunas dasper las pistas marcadas.
