Siglir tar il cuntegn

Header

Navigaziun

Carta da satellit.
Legenda: La lavina è ida giu sin il territori da la vischnanca Bovernier en vischinanza da Martigny sin in'autezza da var 2'800 meters sur mar. Screenshot, Google Maps
cuntegn

Svizra Vallais: In mort ed in blessà en lavina

La dumengia avantmezdi ha ina lavina tschiffà quatter persunas en la regiun dals Clochers d'Arpettes en il Vallais. Ina persuna è morta ed ina è blessada.

En tut ha la lavina tschiffà quatter persunas la dumengia avantmezdi vers las 10:00 en la regiun sur Martigny. Ina persuna è morta en la lavina ed in'autra è vegnida blessada, sco la Polizia chantunala dal Vallais ha communitgà. Ina da las quatter persunas haja pudì sa deliberar sezza ed in'ulteriura hajan gidanters chattà senza blessuras.

Las quatter persunas eran da viadi senza guid. Il privel da lavinas en la regiun era la dumengia sin stgalim dus da tschintg.

RR novitads 14:00