Siglir tar il cuntegn

Header

cuntegn

Vallais Pass da skis gratuits u pli bunmartgads per politichers

Commembers da l'executiva han cursa libra sin bleras pistas en il Vallais, ina pratica che pudess esser illegala.

A Verbier na pajan ils commembers da la suprastanza communala per exempel nagut, sco retschertgas da l’emettur da la Svizra franzosa RTS mussan. Ils cussegliers naziunals e dals chantuns dal Vallais, ed ils tschintg cussegliers guvernativs profiteschan dad in rabat. Per 100 francs pon els ir cun skis en l’entir chantun. L’abunament custa normalmain 1’500 francs.

Autras destinaziuns che porschan in pass gratuit a lur politichers èn Portes du Soleil, Nax e Nendaz/Veysonnaz. In rabat da 20% datti a Crans Montana.

Martin Hilti, directur da l'organisaziun nunguvernamentala Transparency Suisse, tema conflicts d'interess per politichers e politicras ch'acceptan tals regals. Markus Pieth, professur e spezialist da corrupziun, di che da quels regals sajan probablamain in cas per la giustia.

RTR novitads 18:00

Artitgels legids il pli savens