Tar ina lavina sur Reckingen en il Vallais èn duas persunas vegnidas sonda suentermezdi en ina lavina. In dad els è mort anc al lieu, malgrà ch'ins haja empruvà da reanimar el.
Legenda:
Sur Reckingen en il Vallais ha la lavina stgarpà cun duas persunas. In dals umens è mort anc al lieu.
Polizia chantunala dal Vallais
La lavina è vegnida giu il suentermezdi a las 15:15, ha communitgà la Polizia chantunala dal Vallais dumengia. Ils quatter skiunz da turas sajan gist stads da viadi en giu en in lieu cun num Blinne. Dus dals umens sajan lura vegnids stgarpads cun da la naiv.
Als dus auters saja bain anc gartegià da deliberar ils dus umens or da la naiv. Ma las forzas da salvament hajan be pli pudì constatar la mort dad in dad els dus. I sa tracta d'in um da 68 onns. Il segund um saja vegnì transportà cun helicopter en l'ospital a Visp.
