Siglir tar il cuntegn

Svizra Valur da locaziun vegn remplazzada

Tgi che posseda ina atgna chasa u abitaziun sto en l’avegnir far quint cun in nov model da taglia. La valur da l'atgna locaziun duai vegnir abolida e remplazzada entras in nov sistem d'imposiziun da proprietad d'abitar.

Abitaziun vida.
Legenda: En l'avegnir na duai ins betg pli dastgar trair giu da la taglia ils custs da mantegniment al lieu d'abitar principal. Keystone

La cumissiun d'economia dal cussegl dals chantuns WAK ha elavurà las valurs directivas.

Valur da locaziun (Eigenmietwert)

La valur da locaziun è la summa che persunas che possedan in’atgna chasa u abitaziun ston pajar taglia, perquai ch’ellas pudessan retrair daners sch’ellas dessan a tschains la chasa u l’abitaziun. Sco cuntramesira po vegnir tratg giu da la taglia tschains da debits e custs da mantegniment.

En l'avegnir na duai ins betg pli dastgar trair giu ils custs da mantegniment al lieu d'abitar principal u tar objects dads en locaziun. Davart la deducziun dals tschains da debits vul la WAK trametter en consultaziun duas variantas: Ina cun ina deducziun dad 80%, l'autra cun ina da 100%.

RR novitads 14:00