L’euro è vinavant ferm sut squitsch als martgads da finanzas, quai en vista a la crisa da gas en l’Europa. La bun’ura valeva in euro be 0,9881 dollars americans. Quai è il pli bass stan dapi bun 20 onn. Pli pauc ha in euro be custà la fin dal 2002.
Era cumpareglià cun il franc svizzer ha l’euro pers sur la fin d’emna. El vala actualmain anc 0,9716 francs ed uschia radund in mez rap pli pauc ch’anc il venderdi saira.