Siglir tar il cuntegn

Header

cuntegn

Svizra Vanel è l'utsche da l'onn 2019

Var 200 pèrs che cuan datti da l'utschè «vanel» en Svizra, uss daventa quel utschè da l'onn. Uschia vul l'Associaziun svizra per la protecziun dals utschels BirdLife far attent ch'i dovra anc dapli stentas per proteger il vanel u il Kiebitz per tudestg.

Ina giada cuavan ils vanels en territoris umids ch'èn dentant per gronda part vegnids drenads. Ils radund 1'000 pèrs che cuan ch'i ha dà ils onns 70 èn lura sviads en ers. Uschia èn ils vanels dentant ids da platta en fieu scriva BirdLife. La cultivaziun dals ers è vegnida intensivada ed i vegniva sprizzà pesticids. Uschia era il vanel bunamain svanì. Il 2005 devi mo anc 83 pèrs che cuan.

Avant bun 15 onns han BirdLife e la Staziun ornitologica svizra da Sempach instradà divers projects per proteger la spezia e quai ensemen cun purs. Ils projects han purtà ina midada, il 2018 hai dà en Svizra 206 pèrs che han cuà.

RR novitads 14:00

Artitgels legids il pli savens