Svizra - Vania Alleva surpiglia persula la testa da l'Unia
Midada da generaziun tar il pli grond sindicat da la Svizra. La co-presidenta Vania Alleva surpiglia suletta la direcziun da l’Unia. Il co-president fin ussa, Renzo Ambrosetti va en pensiun.
La radunanza da delegads ha elegì Alleva cun gronda maioritad. La dunna da 45 onns è stada la suletta candidata per il presidi. Dapi il 2012 è la burgaisa dubla svizra-taliana co-presidenta. En ses pled d'avertura ha ella annunzià da vulair cumbatter sbassaments da pajas e reducziuns tar la prevenziun per la vegliadetgna.
