Siglir tar il cuntegn

Header

cuntegn

Svizra Vaudoise fa levamain pli pauc gudogn

Il gudogn net da l'assicuranza da la Svizra franzosa, Vaudoise è tar 124,8 milliuns francs ed uschia 3% sut quel da l'onn avant. Las entradas da premias èn uschia idas enavos in zic sin 1,08 milliardas francs.

Tut las branschas da las assicuranzas sajan creschidas auter che quella da las assicuranzas da vita, communitgescha la Vaudois. Las premias en ils segments che n'èn betg da vita èn creschidas per 5,6% sin 869 milliuns francs. Er senza surpigliar l'assicuranza per animals da chasa, Animalia saja l'augment da 4,8% restà robust, scriva l'assicuranza.

En las branschas da vita èn las premias directas sa reducidas per 23,4% sin 200,1 milliuns francs. Products cun premias d'ina giada èn sa reducids per 81,3% tenor plan restrictiv da l'assicuranza.

Per l'onn 2017 quinta l'assicuranza ch'ils secturs ch'èn betg da veta creschian pli pauc ch'enfin qua. En las assicuranzas cunter perditas da facultad quintian ins dentant cun in augment sur la media. En il sectur d'assicuranzas da vita vul la Vaudoise cuntinuar cun ses curs vers schliaziuns pli dinamicas.

RR novitads 09:00

Artitgels legids il pli savens