Svizra - Vegliadetgna da pensiun da 65 onns per dunnas chatta acceptanza
Il pachet da refurma prevenziun per la vegliadetgna 2020 ha bunas schanzas tar la populaziun. Quai resulta d'ina enquista che la Pro Senectute ha laschà far. Tenor questa sustegnan 57% da la populaziun il pachet. Central per l'approvaziun è che 1. e 2. pitga vegnan refurmadas communablamain.
Giuditgà positiv cun ina cumpart da 70% vegn la proposta dal Cussegl dals chantuns d'augmentar la renta d'AVS. Er ina vegliadetgna da pensiun da 65 onns per umens e dunnas chatta ina maioritad da 66%. En l'ultima enquista (l'atun 2014) era quai anc 62%.
Per la segunda giada ha l'institut gfs.bern manà tras l'enquista sin incumbensa da la Pro Senectute.
Il pachet da refurma sa chatta anc en las tractativas dal parlament federal.
