Svizra - «Vegliadetgna senza violenza» cumbatta in tabu
La Svizra ha in nov post da consultaziun per persunas attempadas ch’èn pertutgadas d’abus u violenza. La nova instituziun «Vegliadetgna senza violenza» ch’è vegnida preschentada a Berna sa drizza er a confamigliars u persunas dal fatg.
Lantschà il post da consultaziun han tranter auter la Pro Senectute, il post da recurs independent per la vegliadetgna UBA e l’organisaziun «alter ego».
Persunas attempadas che vegnan maltractadas saja ina realitad en Svizra. Violenza en la vegliadetgna saja però in tema da tabu. Ins quinta che var 300'000 persunas en Svizra èn pertutgadas, uschia las organisaziuns.
Confamigliars e persunal surdumandads
Situaziun da violenza capitan savens a chasa entras confamigliars. La raschun saja per gronda part ch’ils confamigliars che tgiran sajan surdumandads. Er tar las instituziuns per attempads datti però violenza. Qua è la raschun savens la mancanza da persunal.
Nua s'adrizzar?
Avrir la boxSerrar la box
Il numer da telefon 0848 00 13 13 collia tut tenor regiun linguistica cun ina da las organisaziuns uschia ch’i po vegnir purschì spertamain agid.
