Siglir tar il cuntegn

Header

cuntegn

Svizra Vegniva la pistola da l’attentader da Berlin ord la Svizra?

L’attentader sin il martgà da Nadal a Berlin è tenor infurmaziuns dal «ZDF» probabel stà pliras giadas per in pli lung temp en Svizra. Probabel era l’arma ch’el ha duvrà ord la Svizra, rapporta l’emettur da televisiun.

Dapi ina emna investighescha uss era la Procura publica federala en connex cun l’attentader da Berlin. La mesemna passada aveva ella annunzià d’avair avert en quest connex ina procedura penala cunter nunenconuschent.

Il pledader André Marty ha confermà che quai tractia dal suspect da sustegnair e d’appartegnair ad ina organisaziun criminala. Detagls n’ha il pledader betg numnà.

Suenter che las datas mobilas sajan vegnidas examinadas dettia quai indizis che quest giuven um tunesian aveva para contact cun persunas en Svizra. Cun l’analisa da las datas s’occupan il mument ils spezialists da la Confederaziun.

Investigaziuns cuntinueschan en Svizra

Concret sa tracta quai d’investigaziuns en connex cun l’arma da delict e sche quella è vegnida cumprada en Svizra. Tenor las retschertgas dal «ZDF» saja quai fitg probabel.

La Procura publica federala n’ha betg confermà quai. Infurmaziuns concretas davart l’attentader e l’arma da delict na dettia quai betg, ha ditg André Marty pledader da la Procura publica federala.

RR novitads 21:00

Artitgels legids il pli savens